03/03/2012

Quanta vote chistu mare ha visto 'nnammurate

ca po' se sò spusate, ca po' se sò lassate.
Ma nuje avimmo giurato sotto all'uocchie d'e stelle,
nun ce avimma appiccecà, ca chillo, o' core, tremma.

E me metto assai paura quanno dici ch'è fernuta,
t'aggiu persa mille vote, e mille vote sì turnata.
Pecché si nun staje 'ccà, io sò comme 'o piscatore
ca quanno l'aria è nera, nun po' sta 'cchiù 'nzieme 'o mare.

Tu fuje, fuje, e io te corro appriesso appriesso:
nuje ce girammo attuorno, ma ce facimmo fessi.
N'ata vota t'e nascosta semp dint'o stesso posto,
e te trovo sempe, pecché 'o core mio 'o conosco!

E mò fermate, guardame, nun stà accussì luntana,
facimmo comme fanno tutte ll'ati 'nnamurate:
astregneme int 'e braccia, sì, chiù forte ancora
e parla doce doce, comme fosse na canzone.

Voglio sulo a 'ttè, ogni juorno sta prumessa
ca tutte 'e 'ssere nuje ce purtammo appriesso.
Scure notte, ma nun dormo si me metto a te pensà,
chiuro 'a porta, penna e carta, cu sta voglia 'e te cantà!

Tu forse stai durmenno, tu forse stai pensanno
areto a na fenestra a st’ammore ca te chiamma;
ammore ca cundanna chi se sta lassanno;
ammore ca nun cummanna chi p’ammore ancora tremma!

E nuje ca ce chiurimmo int’o suonno e na nuttata,
chisà si po’ rimane ce scetammo cu nu vaso!
Io vulesse sulo 'o 'bbene, e guardo 'o tiempo fore,
chiove, schiara, sient ‘e truone: jesce sole!

Chiamma 'o core c’o nome ca mò te sì ‘mparata
vire ca sempe te risponne, nun s’è maje alluntanato
Damme ‘a mano, currimmo, nun perdimmo ‘chiù tiempo:
'o munno simmo nuje, e tutto 'o riesto è niente!

L’amore non ha tempo, non accetta previsioni,
l’amore è tutto quello che unisce due persone.
E’ un po’ come il vento, correnti che si baciano;
è un po’ come il mare, onde che si infrangono.
L’amore è una scommessa, e quasi mai si perde
perché anche se finisce, ci restano i ricordi.
L’amore è uno sgambetto che ti fa cadere giù,
ma l’amore è una sorpresa per chi non ci crede più.