06/12/2011

M'arricordo 'e nu vicchiariello vippeto e allero.
E nun me canusceva, ma me dicette, 'na sera: 
"O'ssaje addò sta 'a felicità? Sta aret'o mare."

Ma io tanno nun parlaje, se fermajen'e pensiere,
e pensaje: "Sì, sarrà 'mbriaco, però vurria capì!",
e senza 'mpegnà 'a capa 'lle dicette: " 'O vero?"
"Ah, guaglione mio, o' vide 'o mare llà, o' vide, sì?
Pare ca fernesce addò se fermano ll'uocchie tuoje,
invece areto ce sta n'atu munno! Ah si ce putess'ì!"

Pensaje, sfuttenno: "Pe fforza chist ne vede dduje!",
'lle dicette: "Ce starrà n'atu munno, ma 'a felicità?
Si stesse llà, pecché 'a gente ancora nun se ne fuje?"
"Nisciuno ce po' arrivà, nuje 'o pputimmo sulo sunnà,
sta accussì luntano pecché 'o mmeglio s'a tenuto Dio,
ma guarda stu mare: comme faje a nun te 'nnammurà?"

Nun m'a tenette, ce l'avett'a ddicere: "Ma signore mio,
'a felicità nun esiste, è comme 'a linea 'e ll'orizzonte:
nun ce sta niente areto, o' mare nun fernesce maje!"

'O vicchiariello me guardaje e me dicette: "Siente,
ajere a muglierema io 'lle dicette 'e stessi 'pparole,
e Maria me rispunnette proprio comm'a tte, pienza!
Allora lle dicette: " 'A felicità sta semp'areto o' mare
e nun o'ssaje, comme chi sta allà nun sape 'e nuje
ca simme felici, e stammo arét'o mare comm'a lloro!"
O vicchiariello era 'mbriaco 'e lacreme, e continuaje:
"Stongo vippeto, stammatina è morta 'a mugliera mia,
e m'o vvulevo scurdà, ma nun c'ha faccio, o'ssaje?
Nun c'ha faccio pecché è morta felice l'ammore mio.
Perciò guaglione mio, annammurate 'e sta fantasia
e, si l'arriv'a vedé areto o' mare, salutame a Maria."





Mi ricordo di un vecchietto ubriaco e allegro. E non mi conosceva, però mi disse, una sera: "Lo sai dov'è la felicità? È dietro il mare."
Allora non parlai, si fermarono i pensieri e pensai: "Sì, sarà ubriaco, però vorrei capire", e senza impegnare la testa gli dissi: "Davvero?"
"Ah, ragazzo mio, lo vedi il mare là, lo vedi, sì? Sembra che finisca dove si fermano i tuoi occhi, invece dietro c'è un altro mondo! Ah, se potessi andarci!"
Pensai, prendendolo in giro: "Per forza questo ne vede due!" Gli dissi: "Ci sarà un altro mondo, ma la felicità? Se fosse là, perché la gente non scappa ancora?"
"Nessuno ci può arrivare, noi possiamo solo sognarlo, è così lontano perché la parte migliore se l'è tenuta Dio, ma guarda questo mare: come fai a non innamorarti?"
Non resistetti, glielo dovetti dire: "Ma signore mio, la felicità non esiste, è come la linea dell'orizzonte: non c'è niente dietro, il mare non finisce mai!"
Il vecchietto mi guardò e mi disse: "Ascolta, ieri a mia moglie ho detto le stesse parole, e Maria mi ha risposto proprio come te, pensa! Allora le dissi:
"La felicità è sempre dietro il mare e non lo sai, come chi sta dall'altra parte non sa di noi che siamo felici, e siamo dietro il mare come loro.
Il vecchietto era ubriaco di lacrime, e continuò: "Sono ubriaco, stamattina è morta mia moglie e avrei voluto dimenticarlo, ma non ci riesco lo sai?
Non ci riesco perché morta felice l'amore mio. Perciò, ragazzo mio, innamorati di questo sogno e, se riesci a vederla dietro il mare, salutami Maria. "